Сайт тест режимида

Ўзбекистон Республикаси ИИВ Ҳуқуқбузарликлар профилактикаси

Бош бошқармаси
Ҳар доим алоқада (71) 231-33-37
Ўзбекча

Янгиликлар

Зўравонликка қарши курашамиз

Вилоят ИИБ Кадрлар бошқармаси ҳамда вилоят ИИБ Ҳуқуқбузарликлар профилактикаси бошқармаси масъул ходимлари томонидан Термиз давлат университетида давра суҳбати ташкил этилди. Унда вилоят ИИБ Кадрлар бошқармаси хотин-қизлар бўйича бош инспектори, майор Г.Рахматова бугунги кунда хотин-қизларга нисбатан зўравонлик қилиш, куч ишлатиш қонунларимизда ҳам тақиқлангани, аёлларимизнинг эркинлиги, ҳуқуқлари улар билан ҳимоялангани хусусида сўз юритди. Хусусан, юртимизда “Хотин-қизларни тазйиқ ва зўравонликдан ҳимоя қилиш тўғрисида”ги қонун кучга киргани ва Ҳимоя ордери институти жорий қилиниши оилада тазйиққа учраган аёллар учун айни муддао бўлгани таъкидланди.

Худди шундай тадбир вилоят Ички ишлар органларида хизмат қилиб келаётган хотин-қизлар иштирокида Термиз шаҳридаги Ёшлар марказида ҳам бўлиб ўтди. Ёшлар ишлари агентлиги вилоят бўлими билан ҳамкорликда ташкил этилган тадбирда ҳам мавзу юзасидан қимматли фикрлар билдирилди.

Ўзбекистон Республикаси ИИВ Ҳуқуқбузарликлар профилактикаси

Бош бошқармаси
Ўзбекистон Республикаси Тошкент шаҳри, Ю.Ражабий кўчаси 1-уй
Ушбу сайтда чоп этилган материаллардан фойдаланилганда www.hpbb.uz хаволасини кўрсатиб ўтиш шарт
Сайт яратувчиси: Online Service Group
Белгиланган матнни тинглаш учун қуйидаги тугмани босинг Powered by GSpeech